Gwehyddu: Cynhadledd Celfyddydau ac Iechyd
Weave | Gwehyddu 2025
Gwerthwyd pob tocyn ar gyfer cynhadledd deuddydd Gwehyddu 2025 mewn partneriaeth gyda BIPBC a Phrifysgol Wrecsam, a daeth dros 300 o weithwyr proffesiynol yn y celfyddydau, iechyd, gofal cymdeithasol, y trydydd sector, polisi a chyllid i Brifysgol Wrecsam ar 8 a 9 Medi 2025 i ddathlu’r sector a mynd i’r afael â heriau gwreiddio’r celfyddydau mewn systemau iechyd a gofal cymdeithasol.
"Roedd cynhadledd Gwehyddu eleni’n gampwaith o raglennu a threfnu - diolch cymaint am yr egni, y weledigaeth a’r arloesi a gafwyd dros y deuddydd diwethaf. Cyflawnwyd y cyfan mewn awyrgylch o heddwch a charedigrwydd. Roedd llawenydd a gobaith yn amlwg yno, ond dwi’n meddwl ein bod ni i gyd wedi gadael yn deall os ydyn ni am gyflawni potensial y sector, y bydd angen mwy o eiriol a chydweithio, yn enwedig yng ngoleuni etholiadau’r Senedd yn 2026" (cynrychiolydd)
Mae digwyddiadau prif banel Gwehyddu ar gael i’w gwylio’n ôl ar sianel YouTube WAHWN yma.
Weave | Gwehyddu 2023
Cynhelir ‘Gwehyddu’ ar 4 Hydref yn Sefydliad Lysaght yng Nghasnewydd. Bydd yn canolbwyntio ar effaith gadarnhaol y celfyddydau a chreadigrwydd ar iechyd meddwl a llesiant Cymru.
Bydd cyfres o sesiynau trafod yn tynnu sylw at amrywiol brosiectau iechyd creadigol ledled Cymru, fel y rhai sy’n cefnogi cyn-filwyr sy’n profi anhwylder straen wedi trawma a gweithdai creadigol Cymraeg i bobl y mae’r aflwydd hwn yn effeithio arnynt.
Mae digwyddiadau prif banel Gwehyddu ar gael i’w gwylio’n ôl ar sianel YouTube WAHWN yma.