Newyddion WAHWN
WAHWN yn dathlu cydweithrediad newydd gyda rhwydwaith meddygon teulu Cymru
Mae WAHWN wedi sefydlu partneriaeth gyda Rhwydwaith Pen Dwfn Cymru – rhwydwaith o feddygon teulu, gweithwyr a phartneriaid iechyd proffesiynol yng Nghymru sy’n canolbwyntio ar gefnogi pobl sy’n byw yng nghymunedau mwyaf difreintiedig Cymru – i wella iechyd creadigol a mynd i’r afael ag anghydraddoldeb iechyd yng Nghymru.
Nod y cydweithio newydd yw cyflwyno mwy o ymarferwyr gofal iechyd i fuddion gofal iechyd creadigol mewn cyfnod lle mae system iechyd Cymru’n ceisio cryfhau atal, llesiant a gofal yn y gymuned – yn unol â blaenoriaethau polisi cenedlaethol, gan gynnwys Cymru Iachach a Deddf Llesiant Cenedlaethau’r Dyfodol.
“Rydyn ni’n llawn cyffro am y bartneriaeth," dywedodd Angela Rogers, Cyfarwyddwr Gweithredol WAHWN. “Gyda thimau gofal sylfaenol yn Rhwydwaith Pen Dwfn Cymru’n gweithio gyda’r anghydraddoldebau iechyd mwyaf llym, mae hwn yn teimlo fel cyfle amserol i dynnu sylw at y ffordd y gall y celfyddydau, symud ac ymarfer creadigol gefnogi cleifion ac ymarferwyr.
"Bydd yn cyflwyno mwy o ymarferwyr iechyd i fuddion iechyd creadigol, yn cefnogi uchelgais llesiant cenedlaethol ac yn cryfhau cydweithio traws-sector ar adeg pan fo angen datrysiadau ataliol arloesol ar frys."
I ddathlu’r bartneriaeth newydd, bydd Rhwydwaith Pen Dwfn Cymru’n cynnal sesiwn gychwynnol ar symud ar gyfer llesiant gyda Dr Thania Acarón o The Body Hotel mewn cyfarfod bwrdd crwn ym mis Rhagfyr. Bydd Dr Acarón hefyd yn rhannu’r hyn a ddysgwyd o’i chyhoeddiad Body Questions in Practice, sy’n edrych ar sut y gall symud lywio penderfyniadau.
Mae WAHWN yn edrych ymlaen at feithrin y bartneriaeth a pharhau i hyrwyddo rôl y celfyddydau, diwylliant a symud wrth wella iechyd a llesiant ledled Cymru.
Ceir rhagor o wybodaeth am Rwydwaith Pen Dwfn Cymru yma.