Opportunities & Events

Stepping In : Galw am Fentoreion

Location: Gogledd Cymru | Start Date: Dyddiad Cau: am hanner dydd, 18 Mawrth 2026

Summary:

Rhaglen hyfforddi a mentora yw Camu i Mewn i alluogi ymarfewyr o gymunedau Cymraeg eu hiaith a rhai sydd heb gynrychiolaeth ddigonol yng ngogledd Cymru i gamu i fyd y celfyddydau ac iechyd.

Dyddiad Cau: am hanner dydd, 18 Mawrth 2026

Content:

Camu i Mewn : Amrywio Gweithlu’r Celfyddydau Creadigol ac Iechyd

Rhaglen hyfforddi a mentora yw Camu i Mewn i alluogi ymarfewyr o gymunedau Cymraeg eu hiaith a rhai sydd heb gynrychiolaeth ddigonol yng ngogledd Cymru i gamu i fyd y celfyddydau ac iechyd. Gan adeiladu ar lwyddiant ein cynllun peilot gyda phedwar ymarferydd, mae’r fenter yn mynd i’r afael â’r angen dybryd i amrywio ac ehangu’r garfan o ymarferwyr sy’n gweithio yn y celfyddydau ac iechyd. Mae galw am ymyriadau yn y celfyddydau ac iechyd yn debygol o godi, ond mae’r sector yn dibynnu ar gronfa fach o hwyluswyr sy’n cael eu gorymestyn. Mae’r gronfa o siaradwyr Cymraeg yn fach. Mae’r rhaglen hon yn ymateb i’r her honno drwy fuddsoddi mewn talentau newydd a chwalu rhwystrau mynediad. Bydd Camu i Mewn 2026 yn cefnogi carfan newydd o hyd at 12 o ymarferwyr yng ngogledd Cymru.

Galw am Fentoreion

Ydych chi’n ymarferydd creadigol yng ngogledd Cymru (unrhyw ffurf gelfyddydol) a/neu yn ymarferydd yn gweithio mewn lleoliad iechyd?
Ydych chi’n angerddol ynghylch defnyddio eich sgiliau i gefnogi iechyd a llesiant pobl drwy ymgysylltu creadigol?
Ydych chi’n siarad Cymraeg yn rhugl?
Oes gennych chi brofiad byw o un neu fwy o’r canlynol: hunaniaeth mwyafrif byd-eang, iechyd meddwl gwael, anabledd, b/Byddar a niwroamrywiol, LHDTCA+
Oes gennych chi ddiddordeb mewn cymryd rhan mewn rhaglen gyda chefnogaeth sydd wedi’i hanelu at amrywio’r gweithlu celfyddydau ac iechyd?
Hoffech chi weithio a chael profiad gyda chorff celfyddydau ac iechyd yng ngogledd Cymru?

Os yw o leiaf 5 o’r rhain yn berthnasol i chi, gallai Camu i Mewn fod yn iawn i chi!

Partneriaid y Project

Beth fydd y rhaglen yn ei gynnwys?

Sesiwn gyflwyno ar-lein ym mis Ebrill gyda phartneriaid y prosiect
Wythnos lawn o hyfforddiant dwys yn Nyth, Ffordd Garth, Bangor, Gwynedd LL57 2RW ; Pum diwrnod llawn dydd Llun 11 – dydd Gwener 15 Mai 2026
Cysgodi ymarferydd / tîm / sefydliad celfyddydau ac iechyd profiadol ar brosiect byw mewn lleoliad iechyd neu gymunedol rhwng mis Mehefin a mis Hydref 2026
O leiaf ddwy sesiwn mentora gyda hwylusydd profiadol
Cymryd rhan mewn sesiynau rhannu a gwerthuso gyda chymheiriaid

Bydd cysgodi prosiectau byw yn digwydd yn un o’r siroedd canlynol a bydd mentoreion yn cael eu gosod gyda sefydliadau partner: Sir Ddinbych neu Gwynedd

Bydd mentoreion yn cael cynnig:

Bwrsariaeth
Cymorth gan gymheiriaid
Cymorth llesiant
Costau mynediad

Sut i wneud cais:

I wneud cais, anfonwch y canlynol atom ni:

CV, dim mwy na 2 dudalen (ar ffurf dogfen Word neu PDF)
Un ochr o destun A4 (ar ffurf dogfen Word neu PDF) neu ffeil fideo/sain heb fod yn hirach na 3 munud o hyd. Anfonwch y canlynol atom ni:

Rhywfaint o wybodaeth amdanoch chi eich hun fel ymarferydd creadigol / ymarferydd iechyd ac unrhyw brofiad sydd gennych chi o hwyluso gweithdai.
Pam fod gennych chi ddiddordeb, a’r hyn rydych chi’n gobeithio ei gael o’r profiad.
Cadarnhewch y byddech chi ar gael ar gyfer wythnos y rhaglen hyfforddi 11 – 15 Mai.
Ble’r ydych chi yng ngogledd Cymru.

Ebostiwch hwn at Rebecca Hardy-Griffith, Rheolwr Rhaglen Camu i Mewn, stepping@wahwn.cymru erbyn 18 Mawrth 2026, am hanner dydd.

Cofiwch gwblhau'r Ffurflen Monitro Amrywiaeth a Chydraddoldeb hefyd.

Llinell amser:

Dyddiad cau ceisiadau: 18 Mawrth 2026, am hanner dydd
Caiff rhestr fer ei llunio a chynhelir cyfweliadau ar-lein ddydd Llun 30 a dydd Mawrth 31 o Fawrth.
Caiff ymgeiswyr llwyddiannus eu hysbysu erbyn 2 Ebrill.

Os hoffech drafod unrhyw beth yn benodol am y rhaglen neu’r broses ymgeisio, cysylltwch â Rebecca Hardy-Griffith : stepping@wahwn.cymru

Camu I Mewn Galwad Agored 2026 - Cymraeg - PDF

Camu I Mewn Galwad Agored 2026 - Llyfryn Hawdd i Ddeal

Camu I Mewn Galwad Agored - BSL: