Opportunities & Events
Rheolwr Prosiect (Partneriaeth Diwylliant Strategol Canolbarth a Gorllewin Cymru)
Location: TBC | Start Date: Dyddiad Cau: 25 Mis Ionawr 2026
Summary:
Nod Partneriaeth Diwylliant Strategol Canolbarth a Gorllewin Cymru yw datblygu Gweledigaeth Ddiwylliannol ar gyfer Sir Benfro, Sir Gaerfyrddin, Ceredigion a Phowys, ynghyd â Chynlluniau Blaenoriaeth Diwylliant unigol ar gyfer pob awdurdod am y pum mlynedd nesaf. Bydd y rhain yn cyd-fynd yn agos â Blaenoriaethau ar gyfer Diwylliant, Llywodraeth Cymru. Bydd y Rheolwr Prosiect yn rheoli ac yn cyflawni'r prosiect ar gyfer rhanbarth y Canolbarth a'r Gorllewin, gan weithio'n agos gyda phedwar rhwydwaith yr awdurdodau lleol a rhanddeiliaid. Byddant hefyd yn arwain ar gomisiynu gwaith ymgynghori, cydlynu ymchwil ac ymgysylltu, a goruchwylio a chefnogi cyflawni prosiectau diffiniedig.
Content:
Amdanoch chi:
- Profiad o fod yn rhan o'r sector mewn amgueddfeydd, llyfrgelloedd neu archifau
- Profiad o reoli a chyflawni prosiectau'n llwyddiannus
- Profiad o adeiladu gwaith cydweithredol llwyddiannus gyda phartneriaid ac asiantaethau eraill sy'n ennyn parch, ymddiriedaeth a hyder
- Y gallu i gysylltu ag eraill a ffurfio perthnasoedd cadarnhaol.
- Arweinyddiaeth ragorol a sgiliau ysgogol sy'n annog ymrwymiad gan eraill.
- Sgiliau TGCh rhagorol – gallu drafftio adroddiadau sydd wedi'u cynhyrchu'n dda a defnyddio amrywiaeth o apiau ac offer TGCh.
Eich dyletswyddau:
Prif gyfrifoldebau'r swydd yw:
- Cymryd cyfrifoldeb cyffredinol am gyflawni prosiect Partneriaeth Diwylliannol Strategol Canolbarth a Gorllewin Cymru yn llwyddiannus, gan sicrhau bod ffrydiau gwaith yn cael eu datblygu, eu gweithredu a'u cwblhau o fewn amserlen y prosiect, drwy gynllun cyflawni prosiect cyraeddadwy.
- Rheoli a goruchwylio cyllideb y prosiect o £300,000 gan sicrhau rheolaeth ariannol effeithiol ac effeithlon ar bob adeg. Bod yn gyfrifol am fonitro gwariant a chostau, a bodloni gofynion cyllidwyr grant o ran rheoli cyllid a thaliadau
- Mae meithrin perthynas yn allweddol i'r rôl hon a bydd y Rheolwr Prosiect yn ceisio cryfhau a meithrin perthynas gref rhwng swyddogion cynghorau rhanbarthol ac aelodau, asiantaethau'r sector cyhoeddus a rhwydweithiau rhanddeiliaid eraill.
- Paratoi a chyflwyno adroddiadau ar statws prosiect er mwyn darparu gwybodaeth gywir a chlir i randdeiliaid, aelodau etholedig, uwch reolwyr, a Llywodraeth Cymru.
Os oes gennych unrhyw gwestiynau am y rôl, cysylltwch â:
Catherine Richards, Arweinydd Proffesiynol y Celfyddydau a Diwylliant – recruitment@powys.gov.uk
Mae'n ofynnol cael Gwiriad Safonol y Gwasanaeth Datgelu a Gwahardd ar gyfer y swydd hon
Cyflog: Graddfa 10 Pwynt 27 i Bwynt 29 £38,220 i £39,862 y flwyddyn £19.81 i £20.66 yr awr
Sylwch: ar hyn o bryd, nid yw Cyngor Sir Powys yn derbyn ceisiadau gan ymgeiswyr sydd angen fisa Gweithiwr Crefftus er mwyn cael hawl i weithio yn y DU. Dylai ymgeiswyr sicrhau bod ganddynt yr hawl i weithio yn y DU cyn ymgeisio am swydd.
Yr hyn rydym yn ei gynnig
- Byddwn yn eich hyfforddi chi ac yn datblygu eich sgiliau
- Gweithio Hyblyg
- Cynllun Pensiwn gyda buddion diffiniedig gwarantedig
- Dysgu a Datblygu
- Cynllun Ceir Prydles
- Cyflog Cystadleuol
- Lle gwych i fyw
- Cynllun Gwobrau Cyngor Sir Powys
- Iechyd a Lles
- Buddion Aberthu Cyflog