Opportunities & Events

Gwehyddu 2025, Galwad am Wirfoddolwyr

Location: Wrecsam | Start Date: Dyddiad Cau: canol dydd ar 6 Awst

Summary:

Fel rhan o’r gynhadledd Celfyddydau ac Iechyd genedlaethol 2025, rydyn ni’n chwilio am 6-8 o wirfoddolwyr i ymuno â thîm y staff fel Cynorthwywyr i’r Digwyddiad ym Mhrifysgol Wrecsam ar 8 a 9 Medi. Dyddiad Cau: canol dydd ar 6 Awst

Content:

Fel rhan o’r gynhadledd Celfyddydau ac Iechyd genedlaethol 2025, rydyn ni’n chwilio am 6-8 o wirfoddolwyr i ymuno â thîm y staff fel Cynorthwywyr i’r Digwyddiad ym Mhrifysgol Wrecsam ar 8 a 9 Medi. 

Os oes gennych chi ddiddordeb mewn ymgeisio anfonwch eich CV ac ebost gan ddisgrifio:

• Pam fod gennych chi ddiddordeb mewn gwirfoddoli yn Gwehyddu
• Pa fudd fyddech chi’n ei gael o wneud hyn
• Pa sgiliau/profiad fyddech chi’n dod gyda chi

Ebostiwch hwn at Tracy, Rheolwr Rhaglen Gwehyddu - events@wahwn.cymru - erbyn canol dydd ar 6 Awst.

Caiff ymgeiswyr eu hysbysu am y canlyniad ar 7 Awst.

 

Cynorthwyydd Digwyddiad Gwehyddu – Disgrifiad Rôl

Mae Cynorthwywyr Digwyddiad yn chwarae rhan bwysig yn creu profiad cyfeillgar, difyr ac addysgiadol i gynrychiolwyr sy’n dod i Gwehyddu. Mae’r Cynorthwywyr Digwyddiad Gwirfoddol yn rhan allweddol  o’r tîm - dim ond 4 aelod o staff sydd gan WAHWN, felly bydd y gwirfoddolwyr yn fwy na dyblu ein gallu i groesawu a gofalu am y cynrychiolwyr yn y digwyddiad.

 

Beth fyddwch chi’n ei wneud:

• Helpu i drefnu lleoliad y digwyddiad a’r gweithgareddau drwy osod byrddau, cadeiriau, arwyddion ac offer
• Croesawu’r ymwelwyr yn gynnes
• Esbonio’r digwyddiad neu’r gweithgaredd fel bod ymwelwyr yn gwybod ble i fynd a beth sydd ar gael
• Helpu ar y ddesg gofrestru
• Dyletswyddau stiwardio cyffredinol

 

Ble fyddwch chi:

• Bydd mannau allweddol yn cael eu neilltuo i chi ofalu amdanyn nhw bob dydd - o leiaf un gwirfoddolwr ym mhob lle.

 

Ymrwymiad Amser:

• Dydd Llun 8 Medi - cyrraedd 9am (y digwyddiad yn dechrau am 11.15am, ac yn gorffen am 5.30pm)
• Dydd Mawrth 9 Medi - cyrraedd 8.30am (y digwyddiad yn dechrau am 9am, ac yn gorffen am 4.30pm)
• Ymsefydlu: 1 awr ar-lein

 

Nodweddion a Sgiliau angenrheidiol:

• Cyfeillgar
• Trefnus
• Dibynadwy
• Digyffro
• Cyfathrebwr da
• Unigolyn dwyieithog – Cymraeg a Saesneg – yn ddymunol
• Bydd rhai Ystafelloedd Trafod yn defnyddio taflunydd/gliniadur – bydd sgiliau TG i oruchwylio hyn yn ddefnyddiol

 

Hyfforddiant a chefnogaeth:

Bydd aelod o staff WAHWN yn cynnal sesiwn ymsefydlu ar-lein ym mis Awst. Caiff y sesiwn ei hailadrodd ddwy waith os bydd angen er mwyn i bawb allu dod. Dyddiadau i’w cadarnhau. Mae’n hanfodol fod pob gwirfoddolwr yn ymgymryd â’r ymsefydlu.

 

Costau Teithio:

Cewch hawlio hyd at £50 o ad-daliad costau teithio. Bydd angen i chi gyflwyno anfoneb gyda’ch manylion banc am y cyfanswm ar ôl y gynhadledd.

 

Ystyriaethau ymarferol:

• Bydd angen i chi wisgo Crys-T Gwehyddu ar y ddau ddiwrnod (byddwn ni’n darparu’r rhain)
• Byddwch yn aros mewn un ardal benodol am hyd at 1.5 awr ar y tro
• Bydd amseroedd egwyl yn cael eu neilltuo i chi er mwyn sicrhau bod rhai gwirfoddolwyr ar ddyletswydd drwy’r amser
• Bydd angen i chi gwblhau tasgau ymsefydlu sylfaenol cyn dod, megis darllen yr asesiad risg, ymgyfarwyddo â’r rhaglen ac ati.