Opportunities & Events
Galwad am Werthuswr: Camu i Mewn #2
Start Date: Dyddiad Cau: 31 Mis Mawrth
Summary:
Mae WAHWN yn awyddus i benodi gwerthuswr allanol i gofnodi effaith y cam hwn yn y rhaglen a helpu i ffurfio dysgu sy’n cefnogi datblygu ymarfer o fewn WAHWN ac ar draws y sector ehangach.
Cyllideb: £3,000
Cyfnod y Gwaith: Ebrill – Rhagfyr 2026
Content:
Cefndir
'Camu i Mewn', a gyllidir gan Gyngor Celfyddydau Cymru a Sefydliad Baring, yw prif raglen WAHWN o hyfforddiant, mentora a dysgu ar sail profiad, sy’n cefnogi ymarferwyr heb gynrychiolaeth ddigonol i ‘gamu i mewn’ i faes y celfyddydau, iechyd a llesiant. Mae wedi’i hanelu’n benodol at ymarferwyr gyda phrofiad byw o iechyd meddwl; ymarferwyr Cymraeg eu hiaith a’r rheini o gefndir mwyafrif byd-eang; LHDTC+; B/byddar/anabl, mewn ymateb i’r diffyg amrywiaeth yng ngweithlu creadigol y celfyddydau ac iechyd.
Gan weithio gyda’n partneriaid – Bwrdd Iechyd Prifysgol Betsi Cadwaladr, Pontio, Theatr Cymru, Denbighshire Leisure Ltd, Fran Wen, Theatr Clwyd, a Canolfan Gerdd William Mathias, byddwn yn cefnogi 12 o ymarferwyr creadigol drwy wythnos lawn o hyfforddi; cymorth mentora; lleoliad gwaith ar brosiect byw a chymorth llesiant cofleidiol.
Mae WAHWN yn awyddus i benodi gwerthuswr allanol i gofnodi effaith y cam hwn yn y rhaglen a helpu i ffurfio dysgu sy’n cefnogi datblygu ymarfer o fewn WAHWN ac ar draws y sector ehangach.
Sgiliau a Phrofiad angenrheidiol
Hanfodol
- Siaradwr Cymraeg rhugl
- Gallu cydweithio gydag amrywiaeth eang o bartneriaid ac ymarferwyr
- Deall polisi diwylliannol neu gyd-destunau’n gysylltiedig â llesiant yng Nghymru
- Profiad o werthuso rhaglenni aml-bartner
- Profiad o werthuso celfyddydau ac iechyd neu werthuso cyfranogol
- Sgiliau synthesis cryf ac adrodd cryno
Dymunol
- Profiad o hwyluso mannau dysgu myfyriol.
Cyllideb ac Amserlen
- Cyfanswm o £3,000 yn cynnwys paratoi, cyflwyno, teithio ac adroddiad
- Cynhelir y gwaith Ebrill – Rhagfyr 2026
- Adroddiad terfynol i’w gyflwyno erbyn canol mis Rhagfyr 2026
Sut i wneud cais
Anfonwch gais byr (2-3 tudalen neu gyfatebol) yn amlinellu:
- Eich dull a’ch methodoleg arfaethedig
- Profiad perthnasol
- Sut y byddwch yn cydweithio gyda WAHWN a phartneriaid
- Dadansoddiad o amserlen/costau
- Unrhyw enghreifftiau o waith blaenorol (dolenni’n dderbyniol)
Cyfeiriwch at grynodeb y gwerthuswr isod.
Dyddiad cau ceisiadau: Hanner dydd, 31 Mawrth 2026
Anfonwch y cais i Angela Rogers, Prif Swyddog Gweithredol, WAHWN info@wahwn.cymru