Opportunities & Events

Cyfleoedd Mentora i Ymarferwyr Creadigol - Camu i Mewn

Location: Cymru | Start Date: 15 Mis Mai

Summary:

Rhaglen hyfforddi a mentora gyffrous ar gyfer carfan o 4 mentai-ymarferwr creadigol o gymunedau lleiafrifedig yng Nghymru yw 'Camu i Mewn'.

Contact: stepping@wahwn.cymru

Content:

Rhagymadrodd

Ydych chi’n ymarferydd creadigol (unrhyw ffurf gelfyddydol) sy’n angerddol dros ddefnyddio eich sgiliau i gefnogi iechyd a llesiant pobl?
Oes gennych chi brofiad byw o un neu fwy o’r canlynol: hunaniaeth mwyafrif byd-eang, eithrio cymdeithasol, iechyd meddwl, Byddar/anabledd, LHDTC+, cefndir economaidd-gymdeithasol isel?
Oes gennych chi ddiddordeb mewn cymryd rhan mewn rhaglen chwe mis gyda chefnogaeth, â’r nod o amrywio’r gweithlu celfyddydau ac iechyd?
Hoffech chi weithio a chael profiad mewn sefydliad celfyddydau ac iechyd mewn ardal sy’n lleol i chi?

Os gallwch ateb yn gadarnhaol i’r uchod i gyd yna gallai Camu i Mewn fod yn addas i chi!

Beth yw Camu i Mewn?

Rhaglen hyfforddi a mentora gyffrous ar gyfer carfan o 4 mentai-ymarferwr creadigol o gymunedau lleiafrifedig yng Nghymru yw 'Camu i Mewn'. Dyma’r rhaglen gyntaf o’i math, yn cael ei pheilota ar gyfer de a gorllewin Cymru. Cynlluniwyd Camu i Mewn gan WAHWN mewn ymgynghoriad â’r sector mewn ymateb i’r diffyg amrywiaeth yn y gweithlu yn y celfyddydau creadigol ac iechyd. Bydd y rhaglen yn helpu i feithrin y sgiliau, y wybodaeth a’r profiad sydd eu hangen i gyflenwi prosiectau mewn lleoliadau celfyddydau ac iechyd, drwy hyfforddi, cysgodi prosiect byw, mentora a chymorth gan gymheiriaid.

Partneriaid y Prosiect

Beth fydd y rhaglen yn ei gynnwys?

Cymryd rhan mewn wythnos lawn o hyfforddiant dwys yng Nghaerdydd – 5 diwrnod llawn a gyda’r nos Llun 24 – Gwener 28 Mehefin
Cysgodi ymarferydd/tîm/sefydliad celfyddydau ac iechyd profiadol ar brosiect byw mewn lleoliad iechyd neu gymunedol am hyd at 10 diwrnod (gyda chefnogaeth partneriaid y prosiect) rhwng mis Gorffennaf a mis Hydref.
Cymorth mentora wedi’i deilwra
Cymryd rhan mewn sesiynau rhannu a gwerthuso gyda chymheiriaid.

Cynigir y canlynol i’r menteion:

Bwrsariaeth o £1,500
Cymorth a goruchwylio rheolaidd gan gymheiriaid / cymorth llesiant
Costau llety a theithio
Costau mynediad

Bydd cysgodi prosiectau byw yn digwydd yn un o’r rhanbarthau canlynol:

Cyngor Bwrdeistref Caerffili (Datblygu Celfyddydau Cyngor Bwrdeistref Caerffili)
Sir Gaerfyrddin, Ceredigion, Sir Benfro (Bwrdd Iechyd Prifysgol Hywel Dda) *
Llanelli/Sir Gaerfyrddin (PeopleSpeakUp)
Bwrdd Iechyd Prifysgol Bae Abertawe (Abertawe a Chastell Nedd Port Talbot)

*Nodwch fod dyddiadau cysgodi byw Bwrdd Iechyd Prifysgol Hywel Dda wedi’u gosod, felly os ydych chi’n dymuno cysgodi yn y rhanbarth hwn, rhaid i chi fod ar gael ar y dyddiadau canlynol: 20 Gorffennaf, 27 Gorffennaf, 3 Awst, 10 Awst, 17 Awst, 24 Awst.

Sut i gyflwyno cais

I gyflwyno cais, anfonwch un ochr o destun A4 (mewn dogfen Word neu PDF) neu ffeil fideo/sain nad yw’n hirach na 3 munud. Nodwch y canlynol:

Gwybodaeth amdanoch chi fel artist/person creadigol a’ch dull o hwyluso gweithdy
Pam fod gennych chi ddiddordeb yn y rhaglen a beth ydych chi’n gobeithio ei gael o’r profiad?
Beth ydych chi’n disgwyl ei gyfrannu i’r rhaglen?
Ble rydych chi’n byw a’r rhanbarth yr hoffech chi ymgymryd â’r lleoliad cysgodi ynddo.

Anfonwch hwn drwy ebost at Tom Bevan, Rheolwr Rhaglen Camu i Mewn, stepping@wahwn.cymru cyn hanner nos ar 15 Mai. Gofynnir hefyd i chi gwblhau ffurflen Monitro Amrywiaeth a Chydraddoldeb.

Llinell amser

Dyddiad cau ceisiadau: Hanner nos 15 Mai
Sesiwn Cwrdd â’r Partneriaid: gwahoddir menteion ar y rhestr fer i gwrdd â’r partneriaid ar brynhawn 23 Mai i glywed mwy am y rhaglen.
Caiff yr ymgeiswyr llwyddiannus eu hysbysu erbyn Mai 31

Os hoffech drafod unrhyw beth yn benodol am y rhaglen neu’r broses ymgeisio, cysylltwch ag Angela Rogers info@wahwn.cymru

Mwy o wybodaeth yn ein PDF y gellir ei lawrlwytho:

CamuIMewn_MenteeCallout_CY