Opportunities & Events
Cronfa Cyfleoedd Rhyngwladol, Cyngor Celfyddydau Cymru
Summary:
Mae’r Gronfa’n cefnogi prif flaenoriaeth Celfyddydau Rhyngwladol Cymru, sef ‘meithrin potensial artistig, creadigol a diwylliannol rhyngwladol Cymru mewn ffordd sy’n deg i bobl ac i’r blaned’.
Content:
Drwy weithgaredd wyneb yn wyneb sy’n digwydd y tu allan i Gymru a’r DU, mae’r Gronfa Cyfleoedd Rhyngwladol yn ceisio cynnal a chyfoethogi ymarfer artistig yng Nghymru er mwyn:
- galluogi datblygiad cynaliadwy perthnasoedd, cydweithio a rhwydweithiau rhwng artistiaid a sefydliadau celfyddydol Cymru a’u partneriaid rhyngwladol
- cefnogi cyfleoedd i rannu profiadau a sgiliau drwy’r celfyddydau mewn cyd-destun rhyngwladol ac mewn ffordd deg a chynaliadwy
- meithrin cydweithio rhyngwladol ystyrlon, sydd o fudd i’r ddwy ochr, sy’n archwilio ffyrdd newydd o gydweithio, ac sy’n ymateb yn fwyaf arbennig i faterion cynwysoldeb, cydweithio teg a chyfiawnder hinsawdd.
Gallwn dderbyn cais unrhyw bryd tra mae’r gronfa ar agor i’r ceisiadau sy’n ymwneud â’r gweithgaredd a ganlyn:
- Cydweithredu rhyngwladol a datblygu partneriaeth
- Rhwydweithiau a digwyddiadau rhyngwladol
- Cyflwyno gwaith yn rhyngwladol
Rhaid i chi ganiatau o leiaf 10 wythnos rhwng cyflwyno cais a dyddiad cychwyn eich prosiect neu ymweliad.